ဘုရားအတွက်လူငယ်များ

ကိုယ်စွမ်းမဲ့သော်လဲ

ခ။ သမ္မာကျမ်းစာဆိုင်ရာ အသိပညာအတွက် လေ့လာခြင်း ( Study for Bible Knowledge )

- အခန်းကြီးလိုက် ကျမ်းစာလေ့လာခြင်း ( Bible Study by Chapters )
- အပိုဒ်လိုက် သမ္မာကျမ်းစာလေ့လာခြင်း ( Bible Study by Paragraphs )
- ကျမ်းချက်များအလိုက် ကျမ်းစာလေ့လာခြင်း ( Bible Study by Verses )
- ကျမ်းတစောင်းချင်းအလိုက် သမ္မာကျမ်းစာလေ့လာခြင်း ( Bible Study by Books )
- စကားလုံးများအလိုက် သမ္မာကျမ်းစာလေ့လာခြင်း ( Bible Study by Words )
- အထုပ္မတိအားဖြင့် သမ္မာကျမ်းစာလေ့လာခြင်း ( Bible Study by Biographies )
သမ္မာကျမ်းစာကို လေ့လာရာ၌ တန်ဘိုးရှိသောနည်းလမ်းမြောက်များစွာရှိသည်။ ကျမ်းစာကို အဝေးကြည့်မှန်ပြောင်းနှင့် လေ့လာသကဲ့သို့ ကျမ်း (စာစောင်) တိုင်းတွင် ကြီးမြတ်သော အမှန်တရားများ ပေါ်လွင်နေသည်ကို တွေ့ရသည်။ အနုစိတ် မှန်ဘီလူးနှင့် ကြည့်သကဲ့သို့ ကျမ်းစာကိုလေ့လာရာ၌ ၀ိညာဉ်ရေးနှင့်ဆိုင်သော ကြွယ်ဝမှုတို့၏ ဆန်းကြယ်သော အသေးစိတ်အချက်အလက်တို့ကို ရှာဖွေနိုင်သည်။ သမ္မာကျမ်းစာကို ပို၍ လေးလေးနက်နက် လေ့လာလိုလျှင် လက်တွေ့အရ ထိရောက်သောနည်းလမ်းများစွာကို ဤအပိုင်းတွင် ဘော်ပြထားသည်။ အရေးကြီးဆုံးအချက်မှာ စနစ်ကျသောနည်းဖြင့် တသွေမတိမ်း ကျမ်းစာကိုလေ့လာရန်ဖြစ်သည်။

နိဂုံး
သမ္မာကျမ်းစာကို လေ့လာသော အခြားနည်းအမျိုးမျိုးရှိပါသေးသည်။ စိတ်ပိုင်းဆိုင်ရာ လေ့လာခြင်း။ လူမူရေးဆိုင်ရာ လေ့လာခြင်း။ ယဉ်ကျေးမှုဆိုင်ရာ လေ့လာနည်း။ အတွေးအခေါ်ဆိုင်ရာ လေ့လာနည်း အစရှိသည်တို့ဖြစ်သည်။ အထက်တွင်ဖေါ်ပြထားသော ကျမ်းစာလေ့လာနည်းအားလုံးကို အသုံးပြုပါ။ နည်းတမျိုးကိုသာ စွဲ၍ မသုံးပဲ ငြီးငွေ့ခြင်းကင်းရန် နည်းအမျိုးမျိုးကို လှည့်၍ အသုံးပြုကြည့်ပါ။
သမ္မာကျမ်းစာ လေ့လာခြင်းအားဖြင့် ဘုရားသခင်၏ နှုတ်ကပတ်တော်သည် ထာဝရမှန်ကန်သည့်အကြောင်း၊ ကိုယ်တိုင်လက်တွေ့ သိရှိနိုင်ပြီး ၄င်းတို့ကို လိုက်နာခြင်းအားဖြင့် မိမိ၏ ဘ၀အသက်တာတွင် ကောင်းကြီးမင်္ဂလာကို ခံစားနိုင်ကြမည်ဖြစ်သည်။

----------------------------

၂၊ မိသားစုသမ္မာကျမ်းစာလေ့လာခြင်း ( Family Bible Study )
ခရစ်ယာန် အိမ်ထောင်တခုတွင် မိသားစု ၀တ်ပြုခြင်းပလ္လင်ထက် ပို၍ အရေးပါသောအရာမရှိပေ။ မိသားစုအားလုံး အိမ်တွင်ရှိစဉ် မိခင် (သို့ မဟုတ်) ဖခင် က ၀တ်ပြုခြင်းနှင့် နှုတ်ကပတ်တော်ကို ဖတ်ခြင်းဖြင့် ဦးဆောင်ရန်ဖြစ်သည်။ အရိုးဆုံး အလွယ်ကူဆုံးမိသားစု ၀တ်ပြုခြင်းမှာ ဓမ္မသီချင်းသီဆိုခြင်း၊ မိသားစုဝင်တဦးမှ အဖွင့် ဆုတောင်းခြင်း။ သမ္မာကျမ်းစာကို အကျဉ်းချုံး လေ့လာခြင်း နှင့် မိသားစုဝင်တဦးမှ အပိတ် ဆုတောင်းခြင်းတို့ ဖြစ်သည်။ ခက်ခဲနက်နဲသော ကျမ်းပိုဒ်များကိုရှောင်ပြီး လူတိုင်းစိတ်ဝင်စားဖွယ် ပုံဝတ္တု၊ အံ့သြဖွယ်ရာ၊ ယေရှုလုပ်ဆောင်ချက်များ ကျမ်းတိုတိုလေးများကိုရွေးချယ်ဆွေးနွေးရန်ဖြစ်သည်။ ကျမ်းတခု ဥပမာ မောရှေ အသက်သာကို အခန်းဆက်အဖြစ် တပတ်လုံး လေ့လာနိုင်ပါသည်။


----------------------------

၃။ သမ္မာကျမ်းစာ၏ အနက် အဓိပ္မါယ် ကောက်နှုတ်ရန် အခြေခံမူများ ( Principles of Bible Interpretation )
(၁) သမ္မာကျမ်းစာသည် ဘုရားသခင်၏ မမှားနိုင်သောဝိညာဉ်တော်မှုတ်သွင်းပေးသော နှုတ်ကပတ်တော်ဖြစ်သည်ကို အစဉ်သတိရပါ၊ သမ္မာကျမ်းစာတွင် အမှားလုံးဝမရှိ။ ဘုရားသခင်က သင့်ကိုသိစေလိုသောအရာများ၊ သိရန်လိုအပါသော ကယ်တင်ခြင်းအကြောင်းနှင့် ခရစ်ယာန်အသက်တာကို ကျမ်းစာတွင် မွတ်ဆိုထားသည်။

(၂) အနက်အဓိပ္မါယ်ကောက်ရန် အခြားမူတခုမှာ သမ္မာကျမ်းစာကို အဓိပ္မါယ်ကောက်သည့်အခါ ရာဇ၀င်နောက်ခံသဘောကို အလေးပေးရန်လိုပါသည်။ ဤနောက်ခံသဘောကို ရှုထောင့် (၃)မျိုးမှ လေ့လာရမည်ဖြစ်ပါသည်။
(က) ကျမ်းပြုသူ၏ ဘ၀အခြေအနေကို လေ့လာပါ။ ဗျာဒိတ်ကျမ်းကိုလေ့လာလိုလျင် ထိုအချိန်ကာလတွင် ရှင်ယောဟန်သည် မည်သည့်နေရာ၌ ရောက်နေသည်၊ ဤဆန်းကြယ်သော ဗျာဒိတ်တော်ကို ဘုရားသခင်မှပေးသောအခါ ရှင်ယောဟန် ဘာလုပ်နေသည်ကို နားလည်ထားရန် အရေးကြီးပေသည်။ (ဗျာဒိတ် ၁း ၁ - ၁၀ ကိုကြည့်ပါ၊)
(ခ) ဒုတိယ ရှုထောင့်မှာ ရေးထားသော အကြောင်းအရာ (သို့ မဟုတ်) အဖြစ်အပျက်များသည် မည်သည့်တိုင်းပြည်တွင် ဖြစ်ပျက်သည်၊ ထိုတိုင်းပြည်၏ ယဉ်ကျေးမှု ဓလေ့ထုံးစံများကို နားလည်ရန် လေ့လာရမည်ဖြစ်သည်။ ဥပမာ ရုသ ၀တ္တုကို နားလည်ရန် ထိုတိုင်းပြည်တွင် မုဆိုးမများနှင့် ပတ်သတ်သော ဓလေ့ထုံးစံများ၊ ပစ္စည်းဥစ္စာပိုင်ဆိုင်မှု စသည့် အကြောင်းအရာများကို လေ့လာရန် အရေးကြီးပါသည်။ ဤအကြောင်းအရောနှင့်ပတ်သတ်၌ ၀တ်ပြုရာကျမ်း (၂၅) နှင့် တရားဟောရာကျမ်း (၂၅) တို့ တွင် ဖေါ်ပြထားပါသည်။
(ဂ) တတိယ ရှုထောင့်မှာ ကျမ်းစာကိုလေ့လာရာ၌ ထိုအချိန်ကာလက တကယ်ဖြစ်ပြက်ခဲ့သော သမိုင်းအခြေအနေနှင့် ဖြစ်ရပ်များပေါ်မူတည်၍ အနက်အဓိပ္မါယ်ကောက်ရန်ဖြစ်သည်။ ဥပမာ ခရစ်ဝင်ကျမ်းများကိုလေ့လာသည့်အခါ အရေးကြီးသည့်အချက်မှာ ထိုအချိန်က ပါလေတိနပြည်နယ် တ၀ှမ်းလုံးရှိ ယုဒလူမျိုးများသည် ရောမအင်ပါယာ၏ အုပ်ချုပ်မှုအောက်တွင် အဖိနှိပ်ခံနေရသည်ကို နားလည်ထားရန်လိုအပ်သည်။

(၃) ကျမ်းတစောင်လုံး၏ ရည်ရွယ်ချက်နှင့် တင်ပြချက်အရ ကျမ်းစာကို အနက်ကောက်ရန်ဖြစ်သည်၊ ကျမ်းတိုင်းတွင် တိကျသောရည်ရွယ်ချက်ရှိကြသည်။ ဥပမာ - ရှင်ယောဟန်သြ၀ါဒစာ ပဌမစောင် သည် ခရစ်ယာန်များအတွင်သာ ရေးထားသည်ကို သတိပြုရန် အရေးကြီးပေသည်။ (၁ယော၅း၁၃)

(၄) အနက်အဓိပ္မါယ်ဖွင့်ရာတွင် အရေးကြီးသောမူတခုမှာ ကျမ်းချက်တခုတွင်ပါဝင်သောကျမ်းပိုဒ်များ၏ ရှေ့ နောက် အကြောင်းအရာ ( Context ) ပေါ်မူတည်၍ အနက်ကောက်ရန်ဖြစ်သည်၊ ဥပမာ ဆာလံ ၁၄း၁ တွင် “ဘုရားသခင်မရှိ” ဟုဖေါ်ပြထားသော်လည်း နောက်ပိုင်းတွင် “မိုက်သောသူသည် ထင်တတ်သည်” ကို ဖတ်မှသာ အဓိပ္မါယ်အတိအကျ ပေါ်လွင်လာမည်ဖြစ်သည်။

(၅) စကားလုံး. ဆိုလိုရင်းကို အဓိပ္မါယ်ပေါ် မူတည်၍လည်း အနက်အဓိပ္မါယ်ကို ကောက်ယူပါ။ ဥပမာ - “ဆုတောင်းခြင်း” (Prayer) “ကြားခံဆုတောင်းခြင်း” (Intercession) “ အသနားခံ၍ တိကျသော တောင်းလျောက်ခြင်း” (supplication) အစရှိသော စကားလုံးများ၏ အဓိပ္မါယ် အနည်းငယ်စီ ခြားနားသကဲ့သို့ ဖြစ်သည်။

(၆) သမ္မာကျမ်းစာ၏ အနက်အဓိပ္မါယ်ကို ကောက်နှုတ်သည့်အခါ ဘော်ပြပါအကြောင်းအရောနှင့် ပတ်သက်သည့် အခြားကျမ်းပိုဒ်များအာဖြင့်လည်းကောင်း၊ ကျမ်းစာတအုပ်လုံး၏ ဆိုလိုရင်းအကြောင်းအရ လေ့လာပြီး အဓိပ္မါယ်ကို ကောက်ရမည်၊


ကျမ်းစာကို ဖတ်လျှင် ဘုရားသခင်မှ လူသားတို့ ကယ်တင်ခြင်းရဘို့ရန် ပေးထားသော နည်းလမ်းကို ကျမ်းစာအစမှ အဆုံးအထိ ထုတ်ဖေါ်ပြောဆိုထားသည်ကို နားလည်လာလိမ့်မည်။ နားလည်ရန် ခက်ခဲသော ကျမ်းပိုဒ်များကို တွေ့သောအခါ ကျမ်းစာ၏ ရည်ရွယ်ချက်ကို ခြုံငုံ၍ မြင်တတ်ရမည်။ ဥပမာ - ဓမ္မဟောင်းကျမ်းတွင် ဘော်ပြထားသော သားကောင်ယာဇ်များသည် ကားတိုင်ပေါ်တွင် ခရစ်တော် အသေခံခြင်းဖြင့် ပြည့်စုံခြင်းသဘောကို ပုံဘော်ပေးခြင်းကို ဆိုလိုသည်။

ဤ လွယ်ကူသောနည်းများဖြင့် ကျမ်းစာကို ဖတ်ရှုလေ့လာလျင် မှားယွင်းစွာ နားလည်မှုများနှင့် တဘက်စွန်းကျနားလည်မှုများမှ ကင်းဝေးစေမည်။ ထို့ အပြင် ဘုရားသခင်နှုတ်ကပတ်တော်တွင် ပါရှိသော ခက်ခဲနက်နဲသည့် ကျမ်းပိုဒ်များ၏ သွန်သင်မှုများကို မှန်မှန်ကန်ကန် နားလည်နိုင်ရန် အထောက်အကူပေးပေလိမ့်မည်၊

အထုပ္မတိအားဖြင့် သမ္မာကျမ်းစာလေ့လာခြင်း ( Bible Study by Biographies )

သမ္မာကျမ်းစာသည် ဘုရားသခင်က လူသားတို့ကို၎င်း လူသားတို့အားဖြင့် ၄င်း မိမိကိုယ်ကို ထင်ရှားဖေါ်ပြသော မှတ်တမ်းတအုပ်ပင်ဖြစ်သည်။ ဓမ္မဟောင်းနှင့် ဓမ္မသစ်ကျမ်းများတွင် အထ္ထုပ္ပတိပိုင်းဆိုင်ရာ လေ့လာစရာများဖြင့် ကြွယ်ဝလျှက်ရှိသည်။ အချို့ကို ဘော်ပြရသော်
နောဧ ၏ အသက်တာ က ၅း၃၂ - ၁၀း၃၂
အာဗြာဟံ၏ အသက်တာ က ၁၂ - ၂၅
ယောသပ်၏ အသက်တာ က ၃၇ - ၅၀
ဒေဗောရ ၏ အသက်တာ သူကြီး ၄ - ၅
ကျမ်းစာတွင်ပါဝင်သော အထ္ထုပ္ပတိကြီးများကို လေ့လာရန် နည်းအမျိုးမျိုးရှိပါသည်။
၁။ မိမိလေ့လာလိုသော ပုဂ္ဂိုလ်၏ ဘ၀အသက်တာ၏ ထင်ပေါ်ထူးခြားသည့်အကြောင်း ပါသောကျမ်းသို့မဟုတ် ကျမ်းပိုဒ်များကို ဖတ်ပါ။ ဥပမာ အာဗြာဟံ အကြောင်းကို ကမ္ဘာဦးကျမ်း (၁၂ - ၂၅) တွင် ၄င်း။ ဟေဗြဲသြ၀ါဒစာ (၁၁) နှင့် ရောမသြ၀ါဒစာ (၄) တွင်၎င် ညွှန်းထားသည်။
၂။ ယင်းပုဂ္ဂိုလ်၏ အကြောင်းကို အက္ခရာစဉ် ကျမ်းညွှန်းတွင် လိုက်ရှာပါ။
၃။ ကျမ်းချက်များ၏ အစိတ်အပိုင်းတွင် သွယ်ဝိုက်၍ ညွှန်းထားသည်ကို ဂရုပြု မှတ်သားပါ။

ကျမ်းချက်များအလိုက် ကျမ်းစာလေ့လာခြင်း ( Bible Study by Verses )

ကျမ်းစာတွင်ရေးသားထားသော ရာဇ၀င်သမိုင်းဆိုင်ရာ ကျမ်းပိုဒ်များကို လေ့လာသောအခါ ကျမ်းချက်တခု (Verse) သည် အဓိပ္ပါယ် တမျိုးကိုသာ ရှင်းရှင်းလေး ဆိုထားမည်ဖြစ်သည်။ ဥပမာ - ဓမ္မဟောင်းကျမ်း၏ အပိုင်းတော်တော်များများတွင်၎င်း၊ ခရစ်ဝင်ကျမ်း၏ အချို့အပိုင်းများတွင် ၄င်း တွေ့နိုင်သည်။
သို့သော်လည်း ဓမ္မဟောင်းကျမ်းနှင့် ဓမ္မစသ်ကျမ်းတွင် ကျမ်းချက်အများစုသည် မြင့်မြတ်သော သမ္မာကျမ်းစာ၏ သမ္မာတရားများဖြင့် ကြွယ်ဝခြင်းကြောင့် အသေးစိတ်လေ့လာရန်လိုအပ်ပေသည်။ ကျမ်းချက်တခုတည်းကို ပုံစံအမျိုးမျိုးဖြင့် လေ့လာနိုင်ပါသည်။
(၁) ကျမ်းချက်တခုတွင် ပါဝင်သော ကြိယာများအလိုက် လေ့လာနိုင်သည်။ ဥပမာ ယေ ၃း၁၆ ကိုလေ့လာနေလျှင် "ပျက်စီးခြင်းသို့ မရောက်ရစေခြင်းငှာ" "ရစေခြင်းငှာ" "စွန့်တော်မူသည်" "ချစ်တော်မူသည်" အစရှိသော ကြိယာများကို တွေ့လိမ့်မည်။
ထို့နောက် အောက်ပါကဲ့သို့သော နှိုင်းယှဉ်ချက်များကို ရေးချနိုင်သည်။
ဘုရားသခင် စွန့်တော်မူသည် --------- လူတို့ ပျက်စီးခြင်းသို့ မရောက်၊ လူတို့ ထာဝရအသက်ကို ရ၏။
ဘုရားသခင် ချစ်တော်မူသည် --------- လူတို့က ယုံကြည်၏
သို့မဟုတ်လျှင် ကျမ်းချက်တွင်ပါရှိသော နာမ် (Noun) များကို ဤနည်းတူ "ဘုရားသခင်" ----- "လောကီသားတို့" ------ "တပါးတည်းသောသားတော်" ---- "သူအပေါင်း" --- "ထာဝရအသက်" ဟူ၍ မှတ်သားထားနိုင်သည်။
(၂) ကျမ်းချက်တခုတွင် ဖေါ်ပြသော ပုဂ္ဂိုလ်များအားဖြင့် လေ့လာနိုင်သေးသည်။ ဥပမာ ယောဟန် ၃း၁၆ ကိုပြန်၍ ကြည့်လျှင် "ဘုရားသခင်" "တပါးတည်းသော သားတော်" "သူအပေါင်း" အစရှိသော ပုဂ္ဂိုလ်များကို ရိုးရိုးလေးပင် ရေးထားသော်လည်း ထူးခြားချက်ကို ပေါ်လွင်ထင်ရှားစေသည်။
(၃) ကျမ်းချက်တခုကို လေ့လာစဉ် မည်ကဲ့သို့သော မြင့်မားသည့် အတွေးအခေါ်များကို ဘော်ပြကြောင်း ရှာယူရပေမည်။ ဥပမာအနေဖြင့် ယောဟန် ၃း၁၆ ကို ကြည်မည်။ ဤကျမ်းချက်၏ ခေါင်းစဉ်ကို "ကျမ်းစာတအုပ်၏ အမွန်မြက်ဆုံးသော ကျမ်းချက်" ဟူ၍ ခေါင်းစဉ်တပ်နိုင်သည်။ ဤကျမ်းချက်၌ အောက်ပါအကြောင်းအချက်များကို တွေ့နိုင်ပါသည်။
"ဘုရားသခင်" - အမြင့်မြတ်ဆုံးသောလူ
"ချစ်တော်မူ၏" - အမြင့်မားဆုံးသော မြတ်နိုးမူ
"လောကီသားတို့" - အကြီးမားဆုံးသော အရေအတွက်၊
"စွန့်တော်မူ၏" - အမြင့်မြတ်ဆုံးသော ဆောင်ရွက်ချက်
"တပါးတည်း" - အမြင့်မြတ်ဆုံးသော လက်
"တပါးတည်းသော သားတော်" - အမြင့်မြတ်ဆုံးသော လက်ဆောင်ပဏာ
"ယုံကြည်သောသူအပေါင်း" - အကြီးမားဆုံးသော အခြေအနေပေးမှု
"ပျက်စီးခြင်းသို့မရောက်" - အကြီးမားဆုံးသော ဂရုဏာတော်
"ထာဝရအသက်ကို ရစေခြင်းငှာ" - အကြီးမားဆုံးသော အကျိုးထူး၊ အခွင့်ထူး
(၄) တခါတရံ ဘော်ပြပါ အတွေးအခေါ် အယူအဆများအားဖြင့် ကျမ်းချက်တခုကို လေ့လာလျှင် ကြွယ်ဝသော အကျိုးအမြတ်ကို ရနိုင်သည်။ ဥပမာ ရောမ ၅း၁ ကို ကြည့်ကြပါစို့ -
"ထို့ကြောင့်" ဖြင့် အစပျိုးသော ဤကျမ်းချက်သည် ၄း၂၅ ကို မှီး၍ ရေးထားခြင်းဖြစ်သည်။ သခင်ယေရှု၏ ရှင်ပြန်ထမြောက်ခြင်းက ဖြောင့်မတ်ခြင်းနှင့် အာမခံချက်ကိုပေးသည်။

"ဖြောင့်မတ်ရာသို့ရောက်လျှင်" - အမှန်တရားကို ဖြစ်စေသည်။ "ယုံကြည်ခြင်းဖြင့်" - ဖြောင့်မတ်ခြင်းအတွက်နည်းလမ်း (၃း၂၄ နှင့် ၄း၉ ကိုလည်းကြည့်ပါ) "ခံစားကြ၏"။ - ယခု ခံစားရသော အခွင့်အရေး 'ငြိမ်သက်ခြင်း' - ကျွနိုပ်တို့သည် ဘုရားသခင်၏ ရန်သူဖြစ်ခဲ့သည်။ သို့သော် ယခုတွင် ခရစ်တော်အားဖြင့် ဘုရားသခင်နှင့် လူသား ကျွနိုပ်တို့အကြား ကြေအေးမှုကို ရပြီ။
"ယေရှုခရစ်တော်အားဖြင့်" - ဘုရားသခင်၏ ရှေ့တော်၌ မျက်နှာရခြင်းကို ယေရှုခရစ်တော် တပါးတည်းသာလျှင် လုပ်ဆောင်ပေးနိုင်သည်။

အပိုဒ်လိုက် သမ္မာကျမ်းစာလေ့လာခြင်း ( Bible Study by Paragraphs )

စာပိုဒ်တပိုဒ်ဆိုသည်မှာ အကြောင်းအရာတခုကို ၀ါကျများစုပေါင်းဖွဲ့စည်း၍ ရေးထားခြင်းဖြစ်သည်။ စာရေးသူသည် အရေးပါသော အကြောင်းအချက်သစ်တခုကို ပြောင်း၍ရေးသားလိုလျှင် စာပိုဒ်အသစ်တခုဖြင့် ပြောင်းရေးလေ့ရှိသည်။ ဤသို့ စာပိုဒ်အလိုက် လေ့လာခြင်းကို အစိတ်အပိုင်းခွဲ၍ (ခွဲခြမ်းစိတ်ဖျာ၍) ကျမ်းစာကိုလေ့လာခြင်း (Analytical Bible Study) ဟုခေါ်သည်။
(၁) အဓိက အတွေးအခေါ် သို့မဟုတ် အကြောင်းအရာကိုသိရန် စာပိုဒ်ကို သေချာစွာဖတ်ပါ။
(၂) စာပိုဒ်တွင်ပါသော အဓိက စကားလုံးများနှင့် ၀ါကျများ မည်သို့ဆက်စပ်နေသည်ကို ရှာနိုင်ရန် ပေးထားသော စာပိုဒ်ကို ပြန်၍နားလည်လွယ်အောင် ရေးသားနိုင်သည်။ ဥပမာ မဿဲ ၆း ၅-၈ တွင် တွေ့ရသော တောင်ပေါ်ဒေသနာတော်တွင် ပါသောဆုတောင်းခြင်းနှင့် ဆိုင်သည့်ကျမ်းပိုဒ်ကို လေ့လာလျှင် ဤသို့ပြန်၍ ရေးသားနိုင်ပါသည်။
"သင်တို့သည် ဆုတောင်းပဌနာပြုသောအခါ သူတော်ကောင်းဆောင်သူများ (Hypocrites) ကဲ့သို့မပြုကြနှင့်။ အဘယ့်ကြောင့်ဆိုတော် သူတို့သည် လူအများမြင်နိုင်သော ဗိမာန်တော်ထဲတွင် ၄င်း၊ လမ်းဆုံလမ်းခွများတွင်၎င်း၊ ဆုတောင်း ပဌနာပြုလိုကြသည်။ ငါအမှန်ဆိုသည်ကား ထိုသူတို့သည် မိမိအကျိုးကို ခံစားရလိမ့်မည်။"
"သို့သော် သင်တို့သည် ဆုတောင်းပဌနာပြုသောအခါ မိမိအခန်းတွင်းသို့ သွားပြီး၊ တံခါးကို ပိတ်လျှက် လူသူမသိသောနေရာတွင် ရှိသော သင်တို့အဘထံသို့ ဆုတောင်းပါ။ လူသူမသိမမြင်သော သင်တို့အဘသည်လည်း သင်တို့အား ပွင့်လင်းစွာ ထောက်မလိမ့်မည်။"
"သို့သော် သင်တို့သည် ဆုတောင်း ပဌနာပြုသောအခါ သာသနာပလူများကဲ့သို့ တဖန်တလဲလဲမဆိုပါနှင့်။ အဘယ့်ကြောင့်ဆိုသော် စကားများဆိုခြင်းဖြင့် သူ၏ ဆုတောင်းသံများကို ကြားမည်ဟု ထင်ကြသည်။"
"ထို့ကြောင့် သူတိုနည်းတူ မလုပ်ကြနှင့်။ အဘယ့်ကြောင့်ဆိုသော် သင်တို့မတောင်မီကပင် သင်တို့ ဘာလိုသည်ကို သင်တို့အဘ သိနှင့်ပြီးဖြစ်သည်။"

၃။ ဤသို့ကျမ်းပိုဒ်ကိုပြန်၍ နာလည်လွယ်အောင် ရေးသောအခါ တပိုဒ်နှင့်တပိုဒ် မည်သို့ဆက်စပ်သည်ကို တွေ့လာလိမ့်မည်။ ထိုအခါ လွယ်ကူသော ကျောရိုးအချက်များကို ရေးချနိုင်မည်။ ဥပမာ မဿဲ ၆း ၅-၁၅ ကို အသုံးပြုလျှက် ကြောရိုးအချက်အလက် (outline) ကို တဖက်ပါအတိုင်း ရေးနိုင်သည်။ "မည်ကဲ့သို့ ဆုတောင်းပဌနာပြုရမည်ကို ကျွနိုပ်တို့အား ယေရှုသင်ပြခြင်း" မဿဲ ၆း ၅-၁၅
(က) မည်သို့ ဆုတောင်း ပဌနာမပြုရန် မဿဲ ၆း၅၊၇၊၈)
(၁) သူတော်ကောင်းယောင်ဆောင်သောသူများကဲ့သို့ လူမြင်နိုင်သော နေရာ၌ ဆုတောင်း ပဌနာ မပြုလုပ်ရန် (၆း၅)
(၂) ထပ်ဖန်တလဲလဲ မဆိုရန် (၆း၇၊၈)
(ခ) မည်သို့ ဆုတောင်း ပဌနာပြုရန် (မဿဲ ၆း ၆၊ ၉-၁၃)
(၁) သူများမသိရန် လျှိုးဝှက်စွာ အဘဘုရားသခင်ထံ ဆုတောင်းရန် (၆း၆)
(၂) သခင်ယေရှု သင်ပေးသော ပဌနာတော်၏ နမူနာအတိုင်း ဆုတောင်းရန် (၆း၉-၁၃)
၎။ ဤစာပိုဒ်တွင် ပါဝင်သော အရေးပါသည့် စကားလုံးများကို အက္ခရာစဉ် ကျမ်းညွှန်းတွင် ကြည့်လျှင် အထောက်အကူပြုပါသည်။ ဥပမာ "လျှို့ဝှက်သောလူ" နှင့် "သာသနာပလူ" အစရှိသော စကားလုံးများ ဆုတောင်းခြင်းနှင့် ပတ်သက်၍ ၄င်းအကြောင်းကို ဘော်ပြသော အခြားကျမ်းပိုဒ်များ တခုနှင့်တခု နှိုင်းယှဉ်လေ့လာသော် ဆုတောင်းခြင်းနှင့်ပတ်သက်သည့် စစ်မှန်သော သဘောအခြေအနေ ဘုရားသခင်၏ အလိုတော်နှင့်အညီ ရရှိသော ဆုတောင်းခြင်း၏ အဖြေများကို အမှန်တကယ် နားလည်နိုင်မည်။
........